ताज्या बातम्या

मंगळवेढय़ाच्या पाण्यासाठी पाच वर्षाच्या प्रयत्नांना यश : आ. भालके


मंगळवेढेकरांचा जिव्हाळ्याचा प्रश्न असलेला व स्वातंत्र्यानंतर अद्यापही न सुटलेला प्रश्न गेल्या पाच वर्षाच्या आपल्या प्रयत्नांना यश आले आहे. तसेच मुख्यमंत्री ना. पृथ्वीराज चव्हाण यांनी पंढरपूर येथे विठ्ठलाच्या साक्षीने दिलेल्या वचनाची आज सरकारने वचनपूर्ती केली आहे. म्हणूनच आज मंगळवेढय़ाच्या ३५ गावच्या ५३0 कोटीच्या उपसा सिंचन योजनेला मान्यता मिळाली आहे आणि याचा शुभारंभ येत्या आठवड्यात मुख्यमंत्र्यांच्या उपस्थितीत होणार आहे, अशी माहिती आज मंगळवेढा येथे पत्रकार परिषदेत आमदार भारत भालके यांनी दिली आहे.

यावेळी पुढे बोलताना आ. भालके म्हणाले, आपण आमदार झाल्यावर मंगळवेढा तालुक्यातील गावभेटी केल्या. त्यावेळी तालुक्यातील माझ्या माता भगिनींच्या पाण्यासाठीच्या हालअपेष्टा सहन कराव्या लागत होत्या. त्यावेळीपासून आपण जनतेचा लोकप्रतिनिधी म्हणजेच शिपाई असल्याकारणाने आपण स्वत: उपसा सिंचन योजनेची फाईल घेऊन सर्व खात्याच्या मंजूर्‍या घेवून येत होतो. त्यानंतर अवघ्या काही महिन्यात डीपीआर पुर्ण होवून राज्यपालांकडे मंजूरीला गेला होता व त्यावर राज्यपालांच्या सचिवांनी मंजूरीचे पत्र दिले व राज्यपालांनी अंतिम फाईलवर स्वाक्षरी करुन मान्यता दिली होती. त्यानंतर मुख्यमंत्री व उपमुख्यमंत्र्यांनी सदरच्या प्रकल्पाचा संपूर्ण अभ्यास करुन मंत्रीमंडळासमोर सदरचा प्रस्ताव ठेवला होता. त्यानंतर कालच्या मंत्रीमंडळाच्या बैठकीत सदरच्या प्रकल्पास मान्यता देण्यात आली आहे. त्यामुळे आपण पृथ्वीराज चव्हाण, अजितदादा पवार, आर.आर. पाटील तसेच राधाकृष्ण विखे-पाटील, बंटी पाटील आदि मंत्र्याचे व आघाडी सरकारचे मंगळवेढेकरांच्या वतीने अभिनंदनही केले आहे. तसेच सदरच्या प्रशासकीय मंजूरीनंतर आज सरकार याबाबतचे परिपत्रक काढून लवकरच नाममात्र टोकन निधीची घोषणा होईल.

काँग्रेसच्या प्रचाराला सुरुवात

महाराष्ट्रातील आगामी विधानसभा निवडणुकीसाठी काँग्रेसच्या प्रचाराच्या रणधुमाळीला हुतात्मा चौकातून आजपासून सुरुवात झाली आहे. संयुक्त महाराष्ट्रासाठी आपल्या प्राणाचे बलिदान देणा-या १०५ हुतात्म्यांना साक्षी ठेवून प्रचाराची महाज्योत पेटविण्यात आली. ही प्रचारज्योत पुढे आझाद मैदानात आणून महाज्योत प्रज्वलित केली. ५४ जिल्ह्यांसाठी ५४ ज्योती प्रज्वलित करून विविध जिल्ह्यांमध्येही प्रचाराला सुरुवात होणार आहे. या कार्यक्रमात काँग्रेसच्या नेत्यांनी भाजपवर कठोर टीका करीत प्रचाराचे रणशिंग फुंकले आहे. 
मुख्यमंत्री पृथ्वीराज चव्हाण, काँग्रेसच्या प्रचार समितीचे प्रमुख नारायण राणे, प्रदेशाध्यक्ष माणिकराव ठाकरे, माजी केंद्रीय मंत्री तथा राज्याचे माजी मुख्यमंत्री सुशीलकुमार शिंदे, खासदार अशोक चव्हाण आदी मान्यवरांच्या उपस्थितीत काँग्रेसने प्रचाराला सुरुवात केली आहे. लोकसभा निवडणुकीत पोकळ आश्वासनांची खैरात करीत नरेंद्र मोदींनी देशात अच्छे दिन आनेवाले 

है, असा प्रचार केला. प्रत्यक्षात लोकांना बुरे दिन पहावे लागत आहेत. या पाश्र्वभूमीवर काँग्रेसच्या प्रचार समितीचे प्रमुख नारायण राणे यांनी प्रचाराची रणनिती भक्कम केली आहे. आमच्यावर आरोप करण्याअगोदर भ्रष्टाचाराचे आरोप असलेल्या येदियुरप्पांना भाजपने संसदीय समितीत पद दिले मग ते भ्रष्टाचारी नाहीत का ? याचे उत्तर भाजपने द्यावे, असा खडा सवाल नारायण राणे यांनी केला आहे तसेच या पुढे शासकीय कार्यक्रमात 
भाजपच्या कार्यकत्र्यांचा गोंधळ सहन केला जाणार नाही, असा इशारा मुख्यमंत्र्यांनी दिला. लोकसभा निवडणुकीतील दारूण पराभवानंतर काँग्रेसने विधानसभेसाठी चांगलीच कंबर कसली आहे. विधानसभा निवडणुकीसाठी कॉंग्रेसने विभागावार समिती स्थापन करून नियोजनबद्ध प्रचाराची रणनिती आखली आहे. 
या वेळी काँग्रेस-राष्ट्रवादी काँग्रेस आघाडी सरकारने आपल्या १५ वर्षांच्या कार्यकाळात आणलेल्या लोकोपयोगी योजना, राबविलेले उपक्रम, दुष्काळ, गारपीट या नैसर्गिक संकटात शेतक-यांना केलेली मदत, राजीव गांधी जीवनदायी योजनेच्या माध्यमातून गोरगरिबांना दिलेला दिलासा याची संपूर्ण माहिती लोकांपर्यंत पोहोचविण्यात येणार आहे. लोकसभेतील कसर भरून काढीत सर्व मतदारसंघ पिंजून काढण्यासाठी काँग्रेस नेते कामाला लागले आहेत. या कार्यक्रमाला मुकूल वासनिक, सहकारमंत्री हर्षवर्धन पाटील, मुंबई अध्यक्ष आ. जनार्दन चांदूरकर, आ. मुझफ्फर हुसैन आणि बसवराज पाटील नागराळकर यांच्यासह राज्यातील सर्व प्रमुख नेते, पदाधिकारी, कार्यकत्र्यांची उपस्थिती होती. 

जागावाटपावरून नेत्यांमध्ये मतभिन्नता महायुती तुटणार ?


विधानसभा निवडणुकीचे काऊंट डाऊन सुरू झाले तरी आघाडी व युतीच्या जागावाटपाचा घोळ कायम आहे. जास्त जागांसाठी काँग्रेस-राष्ट्रवादीची रस्सीखेच सुरू असताना याच मागणीसाठी भाजपने घेतलेल्या ठाम भूमिकेमुळे महायुतीतील तणाव वाढला आहे. स्वबळावर लढावे, अशी कार्यकत्र्यांची भावना असली तरी पक्षाची ही भूमिका नाही. जास्त जागांची मागणी केलेली नाही, असे भाजप प्रदेशाध्यक्ष देवेंद्र फडणवीस यांनी स्पष्ट केले. तर महायुती अभेद्य असून महायुतीत कोणताही तणाव नसल्याचा दावा विधान परिषदेचे विरोधी पक्षनेते विनोद तावडे यांनी केला. 
लोकसभा निवडणुकीतील दणदणीत यशानंतर भाजपने विधानसभेच्या जास्त जागांसाठी आग्रह धरलेला असताना शिवसेना मात्र त्यासाठी तयार नसल्याने युतीतील तणाव विकोपाला गेला. दोन्ही बाजूंकडून मोडेन पण आम्ही वाकणार नाही, अशी ठाम भूमिका 
घेतली गेल्याने जागावाटपाची चर्चाच पुढे सरकायला तयार नाही. या पाश्र्वभूमीवर वसंतस्मृति येथील कार्यालयात प्रदेश भाजपच्या संसदीय समितीची बैठक सोमवारी पार पडली. प्रदेश प्रभारी राजीव प्रताप रूडी, निवडणूक प्रभारी ओम माथुर, देवेंद्र फडणवीस, एकनाथ खडसे, विनोद तावडे आदी प्रमुख नेते या वेळी उपस्थित होते. बैठकीत शिवसेनेबाबतही बराच खल झाला. भाजप अध्यक्ष अमित शहा दोन दिवसांनी मुंबईत येत असून युतीबाबत अंतिम निर्णय घेतला जाणार आहे. 
दरम्यान भाजप प्रदेशाध्यक्ष देवेंद्र फडणवीस यांनी बैठकीनंतर सावध भूमिका घेत युतीच्या जागावाटपाचा तिढा अद्याप कायम असल्याचे सांगितले. भाजप लढवते त्या मतदारसंघांबरोबरच शिवसेनेच्या 
मतदारसंघांचेही अहवाल तयार करण्यात आले असले तरी त्यावरून आम्ही स्वबळाची तयारी करतोय, असा त्याचा अर्थ नाही. जेथे आमचे उमेदवार नव्हते तेथील कार्यकत्र्यांचीही भूमिका जाणून घेण्यात आली.काही जागांची अदला-बदल करण्याची आमची इच्छा आहे. भाजपचे राष्ट्रीय अध्यक्ष अमित शहा हे मुंबई दौ-यावर येत आहेत. त्यांना राज्य संसदीय मंडळाने तयार केलेले अहवाल सादर करण्यात येतील तसेच जागावाटप आणि शिवसेनेशी करायच्या वाटाघाटींबाबत त्यांच्या मार्गदर्शनानेच पुढे जाऊ, असे फडणवीस यांनी सांगितले. महाराष्ट्रात स्वबळावर लढावे, अशी कार्यकत्र्यांची भावना असल्याचे सांगतानाच ही पक्षाची भूमिका नसल्याचेही फडणवीस यांनी आवर्जून सांगितले. 
अमित शहा त्यांच्या मुंबई भेटीत ते शिवसेना पक्षप्रमुख उध्दव ठाकरे यांना भेटणार का? या प्रश्नावर तसा कार्यक्रम अद्याप ठरलेला नाही, असे फडणवीस म्हणाले. मात्र अमित शहा-उध्दव ठाकरे यांची भेट होणार नाही, असेही नाही. योग्य वेळी या नेत्यांची भेट होऊ शकते. संसदीय मंडळाच्या आणखीन दोन-तीन बैठका झाल्यानंतर भाजप उमेदवारांची अंतिम यादी तयार होईल, असेही फडणवीस म्हणाले. भाजपमध्ये दिग्गज नेत्यांच्या प्रवेशाचे काय झाले? याबाबत विचारले असता, आम्ही पक्षात घेतानाही चाचणी करून घेतो. कोणालाही सरसकट प्रवेश देत नाही, असेही ते म्हणाले. एनकाऊंटर फेम पोलिस अधिकारी प्रदीप शर्मा हे भाजपमध्ये प्रवेश करणार असल्याची चर्चा सुरू असल्याबाबत विचारले असता फडणवीस म्हणाले की, त्यांच्या प्रवेशाबाबत आम्ही कोणतीही चर्चा केलेली नाही.ही चर्चा केवळ प्रसार माध्यमांमध्येच सुरू असल्याचे फडणवीस म्हणाले. 
महायुतीत कोणताही तणाव नाही -विनोद तावडे 
शिवसेना-भाजप महायुतीत कोणताही तणाव नाही. योग्य दिशेने चर्चा सुरू असल्याची माहिती विधान परिषदेतील विरोधी पक्षनेते विनोद तावडे यांनी दिली. महायुतीत तणाव असल्याची चर्चा फक्त प्रसार माध्यमांतूनच सुरू असल्याचे ते म्हणाले. 
शिवसेना म्हणते गाठ पक्की आहे ! 
भाजपने जास्त जागांसाठी आग्रही भूमिका घेतल्याने युतीतील तणाव वाढला असला तरी शिवसेनेने मात्र युतीची गाठ पक्की असल्याचा दावा केला आहे. हरियाणा आणि महाराष्ट्रात खूप फरक आहे. शिवसेना म्हणजे लोकतांत्रिक कॉंग्रेस नाही. आमची युती हिंदुत्वावर आधारलेली आहे व विचारांची गाठ पक्की असल्याने ती सुटणार नाही याचे भान भाजपलाही आहे, असे स्पष्ट करताना हिंदुत्वाच्या पाठीत खंजीर खुपसणा-यांना जनता माफ करणार नाही, असा सूचक इशाराही दै. सामना या मुखपत्रातून देण्यात आला आहे. 
आघाडीचा निर्णय दिल्लीत ! 
महायुतीत जागावाटपाचे गु-हाळ रंगलेले असताना दोन कॉंग्रेसच्या आघाडीचीही तिच त-हा आहे. सर्व २८८ जागांवरील इच्छुकांच्या मुलाखती घेऊन स्वबळाच्या दंडबैठका सुरू असल्या तरी दिल्लीत येत्या एक-दोन दिवसात आघाडीबाबत निर्णय घेतला जाईल, असे कॉंग्रेसच्याच एका वरिष्ठ नेत्याने सांगितले. कार्यकत्र्यांची काहीही इच्छा असली तरी कॉंग्रेस नेतृत्व स्वबळावर निवडणूक लढविण्यास फारसे अनुकूल नाही त्यामुळे राष्ट्रवादीला काही जास्त जागा देऊन मार्ग काढला जाईल, असे त्यांनी स्पष्ट केले. 
शिवसेनेविरोधात उमेदवार उभे करू : जानकर 
जागावाटपाबाबत आपल्याला शिवसेनेकडून कोणताही प्रतिसाद मिळत नसल्याचा आरोप राष्ट्रीय समाज पक्षाचे अध्यक्ष महादेव जानकर यांनी एका वृत्तवाहिनीशी बोलताना केला. शिवसेनेला आमची गरज नसेल, तर आम्ही सुद्धा शिवसेनेविरोधात उमेदवार उभे करू, असा इशाराही त्यांनी दिला आहे. 

सांगोला शहर व परिसराला जोरदारपावसाने झोडपले


सांगोला (विशेष प्रतिनिधी) :-काल बुधवार दि.27 ऑगस्ट रोजीसांगोला शहर व परिसराला जोरदारपावसाने झोडपले असल्यामुळेसांगोला शहराच्या मध्यभागातूनवाहणारा ओढा बर्‍याच वर्षानंतरदुथडी भरून वाहू लागला होता.त्यामुळे चालु पावसाळ्यातीलकालचा पाऊस हा सगळ्यात मोठाअसल्याचे नागरिकातून बोललेजात आहे.काल सायंकाळी 5 च्यासु ारास जोरदार पावसाने सुरूवातकेली. रात्री उशीरापर्यंत पाऊस सुरूहोता. या पावसामुळे सांगोलाशहरातील मेन रोड, भोपळे रोड,कडलास नाका, वाढेगांव रोड,वासुद रोड, नविन वसाहत,अहिल्यानगर, कोष्टी गल्ली,जयभवानी चौक, स्टेशन रोड, नेहरूचौक इत्यादी रस्त्यांचे रूपांतरओढ्यात झाले होते. सांगोलाशहरसह चांडोलवाडी, पुजारवाडी,बुंजकरवस्ती, बिलेवस्ती, फुलेळाइत्यादींसह शहर परिसरात जोरदारपाऊस होऊन ओढ्याला पूरसदृश्यपरिस्थिती निर्माण झाली होती.शहरातील भाजी मंडई येथीलजुन्या नगरपालिकेच्याइमारतीजवळील रहात असलेल्यासर्वच घरामध्ये ओढ्याचे पाणीशिरले होते. सर्वत्र पाणीच पाणीझाल्याने या घरातील साहित्यांचे मोठ्या प्रमाणात नुकसान झाले. याठिकाणी असलेल्या दहा ते पंधरा कुटुंबाचे पावसाच्या पाण्यामुळेहाल झाले. या कुटुंबातील लोकांकडून रात्रीपुरता तरी निवारा पाहीजेअशा प्रकारची मागणी करण्यात आली. तसेच शहराच्या अनेक सखलभागातील दुकानात पाणी शिरले होते.या घटनेची माहिती मिळताच सांगोला नगरपरिषदेचे नगराध्यक्षनवनाथभाऊ पवार, न.पा.चे कार्यालयीन अधिक्षक सुभाष पवार,मुख्याधिकारी रमाकांत डाके यांनी सांगोला शहरात फिरून लोकांच्याअडीअडचणी जाणून घेवून योग्य त्या उपाययोजना केल्या.अनेक वर्षाच्या दुष्काळात होरपळून निघालेल्या सांगोलातालुक्याला उशीरा का होईना पण पावसाने समाधानकारक हजेरीलावल्यामुळे शहरवासियांबरोबरच शेतकरी वर्गा ध्ये आनंदाचेवातावरण पसरले असून येणार्‍या काळात पण चांगला पाऊस पडेल,अशी अपेक्षा आहे. जेणेकरून पिण्याच्या पाण्याबरोबरच शेतीच्यापाण्याचा प्रश्न मिटेल.

मंगळवेढा शहर परिसरात दमदार पाऊस


मंगळवेढा / तालुका प्रतिनिधी
तालुक्यात गेल्या चार-पाच दिवसात जोरदार पाऊस झाला असून या पावसामुळे शेतकरी वर्गात आनंदाचे वातावरण निर्माण झाले आहे. खरीप हंगाम गेल्याचे दु:ख उगळत बसण्यापेक्षा रब्बी हंगाम होण्यासाठी आता पोषक वातावरण झाल्यामुळे पुर्व भागातील शेतकरी आनंदी झाला आहे. तर दक्षिण भागातील शेतकर्‍यांना शेतीसाठी राहिले पण उन्हाळ्यासाठी पुरेसे पाणी उपलब्ध झाले आहे. याशिवाय विहिरीच्या पाण्याची पातळी वाढल्यामुळे उन्हाळी पिके घेण्याची संधी निर्माण झाली आहे.

या पावसामुळे ऊस बागायतदार कमालीचा खूश झाला आहे. कारण जून, जुलै संपला तरी पावसाचा पत्ता नव्हता, कालव्यातून पाणी आल्यामुळे ऑगस्टमध्ये तग धरली. परंतू पाऊसच न आल्यास काय करावे? असा प्रश्न पडला होता. तेव्हां ऑगस्टच्या शेवटच्या आठवड्यात जोरदार पाऊस झाल्यामुळे ऊस उत्पादक निश्‍चिंत झाला आहे. एकूणात उशिरा आलेला पाऊस सुद्धा शेतकर्‍यांना उपयोगी ठरला आहे. खरीपातील मुग, मटकी, हुलगा, बाजरी, सुर्यफूल ही पिके गेली. दुबार पेरणी करुन देखील शेतकर्‍यांच्या हाती काहीच लागले नाही. अशा परिस्थितीत जिल्हय़ातील आमदारांनी विधानसभेच्या निवडणूकीच्या निमित्ताने उजनी धरणातील पाणी मिळविण्यात यश मिळविले. यामुळे जिल्हय़ात उजव्या व डाव्या दोन्ही कालव्यातून नंतर सीनेतून पाणी सोडण्यात यश मिळाले आहे.
     

मंगळवेढामध्ये आज विशेष काय

मंगळवेढामध्ये आज विशेष काय//. //मंगळवेढा लाईव्ह वर जाहीरात देण्यासाठी मो. 9860371402 // --

छोटया जाहिराती मोठया करामती ..

...छोटया जाहिरातीकरीता आजच संपर्क साधा

मंगळवेढा लाईव्ह, तानाजी चौगुले मो ' 9860371402

आमच्याकडे शेततळे, विहीर, चारी व इतर पोकलेनची सर्वप्रकारची कामे करुन मिळतील.प्रोप्रा-श्री.बापूराव पांढरे मो.८३९०७९१८९१ ९७६४३५४०६२ // आकर्षक व कलात्मक फोटोसाठी विश्‍वासर्ह असे शहरातील एकमेव डिजीटल फोटो स्टुडीओ. मर्दा शॉपींग सेंटर, मंगळवेढाप्रोप्रा-श्री.संतोष पवारमो.९८२२३७५४४५ // मंगळवेढा तालुक्यातील सर्व फेसबुक मित्रांना नम्र विनंती आपल्या गावातील व आपल्या भागातील सर्व बातम्या सचित्र पाठवा त्या चांगल्या पध्दतीने मंगळवेढा लाईव्हवर व वर्तमानपत्रात प्रसिध्द केल्या जातील. बातम्या पाठविण्यासाठीtanajichougule@gmail.com या इमेलवर मेल कराव्यात. संपर्क -तानाजी चौगुले-९८६०३७१४०२

 
: NOTICE : © Copyright 2013—2014 -All rights reserved. मंगळवेढा लाईव्हवर प्रसिध्द झालेल्या बातम्या व इतर मजकूरातून व्यक्त झालेल्या मतांशी संपादक/संचालक सहमत असतीलच असे नाही. ||// वेबसाईट संकल्पना —नवल मिडीया प्रा.लि. नळदुर्ग ता.तुळजापूर जि.उस्मानाबाद सपंर्क क्रमांक — 9421932546, 9657684370 // वेबसाईट रचना व तांत्रीक सहकार्य उमेश टोणपे औरंगाबाद